சின்னம் தேர்ந்தெடுப்பதற்கு தங்களின் பங்களிப்பை அளிக்கவும்

சின்னம் தேர்ந்தெடுப்பதற்கு தங்களின் பங்களிப்பை அளிக்கவும்

============================================================

நாட்டுப்புற விளையாட்டுகள் மேம்பாட்டுக் கழகத்திற்கு ஒரு சின்னத்தை தேர்ந்தெடுக்கபட உள்ளது. இதற்காக இரு சின்னங்கள் தேர்ந்தெடுக்கப்பட்டுள்ளது இதில் எதை தேர்ந்தெடுக்கலாம் என்று கருத்துக்களை கூறலாம். கருத்துகள் அடிப்படையில் சின்னம் தேர்ந்தெடுக்கப்படும். 

                                                                                                                                  நிர்வாகம்

சில்லு விளையாட்டு

தட்டையான சிறு சில்லை அரங்கத்தில் போட்டு, அதனைக் காலால் மிதித்து, அரங்கத்துக்கு வெளியே எத்தித்தள்ளி, அதனை மிதித்து விளையாடுவது சில்லு விளையாட்டு எனப்படும். உடைந்த மண்பாண்டத்து ஓட்டில் சுமார் மூன்று அங்குல அளவு விட்டமுள்ள சிறு ஓட்டினைச் சில்லு என்பர். சில்லு விளையாட்டு விளையாடும் அரங்கு தரையில் சில்லால் கோடு கிழித்து அமைக்கப்படும். விளையாடும் அரங்கிலிருந்து சுமார் 10 அடி தொலைவில் ஒரு உத்திக்கோடு வரையப்படும்.

1. உத்திக் கோட்டிலிருந்து அரங்கின் முதல் கட்டத்தில் சில்லை எறிவர். எறியும் சில்லு அரங்கக் கோட்டில் படாமல் கிடக்க வேண்டும். கோட்டில் படக்கூடாது, கோட்டில் பட்டால் அடுத்தவர் ஆடுவார்.

2. உத்திக் கோட்டிலிருந்து நொண்டி அடித்துக்கொண்டு சென்று அரங்கில் கிடக்கும் சில்லை அதேநொண்டிக் காலால் ஒரே தவ்வில் மிதித்துப் பின்னர் அதே காலால் சிலலை அரங்கிற்கு வெளியே எத்தி, ஒரே தவ்வில் அதே நொண்டிக் காலால் மிதித்தால் பழம். பிழை நேர்ந்தால் அந்த ஆட்டப் பகுதியிலிருந்து வெளியேற்றப்படுவார். எந்த ஆட்டப் பகுதியில் பிழை நேர்ந்ததோ அந்த ஆட்டப் பகுதியிலிருந்து அடுத்த ஆட்டமுறை வரும்போது ஆட்டத்தைத் தொடரலாம்.

3. பழம் பெற்றால் அடுத்த கட்டத்தில் இதேப்போல் ஆட்டம். முதல் கட்டம், இரண்டாம் கட்டம் என வரிசை முறையில் சில்லு எறிந்து ஆடி முடித்தபின் மச்சு ஆட்டம்.

மச்சு ஆட்டம்

உத்தி கோட்டிலிருந்து அரங்கு வரையில் நொண்டி அடித்துக்கொண்டு சென்று, அரங்கின் முதல் கட்டத்தில் இரு கால்களையும் ஊன்றிக்கொண்டு நிற்பர். ஆடிய சில்லைத் தலையில் வைத்துக்கொண்டு தன் கண்களை தானே இரு கைகளாலும் பொத்திக்கொண்டு இரண்டு தப்படி வைத்ததும் சரியா, தப்பா என்று கேட்டுக்கொண்டே ஒவ்வொரு கட்டமாகத் தாண்டி நடந்து செல்வர். கோட்டை மிதித்திருந்தால் தப்பு, சரி என்றால் அடுத்த தப்பிகள். கடைசி கட்டத்தில் சரி என்றதும் தலையிலுள்ள சில்லைக்குனிந்து தரையில் போடவேண்டும். பிறகு கண்ணைக் திறந்துக்கொண்டு அந்தச் சில்லை மிதிக்க வேண்டும். மிதிக்கும் இந்த இடத்தை மலை என்று கூறுவர். இங்கு நின்றுகொண்டு ஆனையா, பூனையா என்று கேட்டபர். மற்றவர் ஆனை என்று சொன்னால் ஆனை தன் கையால் தண்ணீரை உறிஞ்சித் தன் தலைக்கு மேல் கையை உயர்த்தி நீரை விசிறுவது போலச்சில்லை அரங்குக்கு வெளியே பின்பக்கமாக எறிந்துவிட்டுக் கட்டங்களில் நடந்துவந்து கட்டத்திலிருந்து தவ்வி மிதிக்க வேண்டும்.

சில்லை மிதித்து விட்டால் அரங்கின் ஓரத்தில் ஒரு கட்டம் போட்டு அதனைக் தன் மச்சு என்று வைத்துக்கொள்ளலாம். அடுத்த ஆட்டத்தில் நொண்டி அடித்துக்கொண்டு செல்லும்போது தன் மச்சில் தான் இரண்டு கால்களையும் ஊன்றிக்கொள்ளலாம். அதிக மச்சு கட்டியவர் வென்றவர் ஆவார். பூனை என்று மற்றவர் சொன்னால் குனிந்து சில்லை எறிந்து அவ்வாறே மிதிக்க வேண்டும். மேல்காலின் மேல் சில்லை வைத்துக்கொண்டு கண்ணைத்திறந்துகொண்டு நடத்தலும் ஏற்றுக்கொள்ளப்படும்.

ஊது முத்து விளையாட்டு

ஊது முத்து விளையாட்டு

கிட்டிப்புள்

கிட்டிப்புள்

கிட்டிப்புள்

மஞ்சள் நீர் தெளித்தல்

தோற்றம் மற்றும் வளர்ச்சி :

பண்டைய காலம் தொட்டே நீர் விளையாட்டுகள் இருந்ததற்கான சான்றுகள் தமிழ் இலக்கிய வாயிலாக கிடைகிறது. பெண்கள் சிவப்பு மற்றும் மஞ்சள் நிற வண்ணங்கள் கலந்த நீரை ஆண்கள் மீது இடைவிடாமல் தெளித்து விளையாட்டியதாகத் தெரிகிறது. இதற்கு பரிபாடல் வரிகள் சான்றாக அமைகிறது.

“தன்புனல் ஆடும் தகைமிகு போர்க்கண் 

... ... ... ...

நொய்மான் சிவிறியர் நீர்மணக்கோடினர் 

வெண்கிடை மிதவையர் நான்கிடைத் தேரீனர்”

                                                                                                          என்ற வரிகளிலிருந்து 

“நேய்ந்தோர் நிறவரக்கின் நீரெக்கி யாவையும் 

முத்துநீர்த் சாந்தடைந்த மூஉய்த் தத்தி” 

                                                                  என்ற வரிகளின் வாயிலாகவும் அறியலாம்.

இவ்வகையான விளையாட்டுக்கள் பெரும்பாலும் விழாகாலங்களிலும் நிகழ்த்தப்படுகின்றன. இவ்விளையாட்டு தமிழகத்தில் இன்னும் சில கிராமங்களில் விளையாடப்பட்டு வருகிறது. மஞ்சள் நீரை பெண்கள் அனைத்து ஆண்கள் மீதும் தெளிப்பதல்ல, தான் திருமணம் செய்யும் முறை அல்லது விரும்பி மணமுடிக்கப்போகும் ஆணின் மீது தான் தெளித்து மகிழ்வர். 

பெயர்க்காரணம் :

மஞ்சள் நீர் தெளிப்பதால் இந்த விளையாட்டிற்கு மஞ்சள் நீர் தெளித்தல் என்ற பெயர் வந்திருக்க வேண்டும் என்பது புலனாகிறது.

விதிமுறைகள் :

இந்த விளையாட்டிற்கு விதிமுறைகள் எதுவும் கிடையாது. ஆனால் தான் விரும்பும் ஆண்கள் மீது மட்டுமே மஞ்சள் நீர் தெளிப்பது மிகச்சிறந்த பண்பு. இதையே விதிமுறையாக கூறலாம்.இவ்விளையாட்டு மட்டுமே பெண்களின் புற விளையாட்டாக அமைந்திருப்பது குறிப்பிடத்தக்கது.

பயன்கள் :

இவ்விளையாட்டின் வாயிலாக உறவு முறைகள் தெரிய வரும். மஞ்சள் கிருமி நாசினி என்பதால் மருத்துவப் பயனும், மனமகிழ்ச்சியும் இவ்விளையாட்டின் முக்கிய பயன்களாக கருதலாம்.

விளையாட்டு கலை

விளையாட்டுக்கள், ஓரினத்தின் வீரத்தையும் பண்பாட்டையும் வெளிப்படுத்துவன. விளையாட்டில் சிறுவர்,சிறுமியர், இளையோர் என எல்லா நிலையில் உள்ளோரும் ஈடுபடுகின்றனர். உடல் திறன் வளர்க்க, உள்ளத்தில் ஆர்வத்தை ஏற்படுத்த, மனம் மகிழ்ச்சியில் திளைக்க விளையாட்டுகள் துணை புரிகின்றன. விளையாட்டின் அடிப்படை நோக்கம் போட்டியிடுதலாகும். உடல், உள்ள ஆற்றல்களை வெளியிடவும், எதிர்பாராத தோல்விகளை எதிர் கொள்ளவும் மனப்பான்மை மேம்படவும் விளையாட்டு உதவுகிறது. விளையாட்டு வழியாகப் பட்டறிவும், போராட்டத்திற்கு விடை காணும் திறனும் பெற முடிகிறது. 

பண்டையக்காலத்து விளையாட்டுகள்

வீர விளையாட்டுகளில் என்றும் பெருவிருப்பமுடையவர் பழந்தமிழர். மற்போரிடல், ஏறுதழுவுதல், வேட்டையாடுதல், மூழ்கி மணல் எடுத்தல் என்பன பழமை வாய்ந்த ஆடவர் விளையாட்டுகள். முற்காலத்தில் மற்போரில் வல்ல மல்லர், மன்னர்களால் மதிக்கப் பெற்றனர். களத்தில் பல்லாயிரவர் சூழ்ந்து நிற்க, தருக்கும் செருக்கும் நிரம்பிய ஆமூர் மல்லனுக்கும் வீரமூம் தீரமும் வாய்ந்த நற்கிள்ளிக்கும் இடையே நடைபெற்ற வீர வீளையாட்டைப் புறநானூறு என்னும் சங்க இலக்கிய நூல் வருணிக்கின்றது.

முல்லை நிலத்தில் ஏறுதழுவுதல் என்னும் வீரவிளையாட்டு நடைபெற்றது. முரசு அதிர, பம்பை முழங்க தொழுவிலிருந்து கொழுமைமிக்க காளைகள் ஒவ்வொன்றாக வெளியே ஓடிவரும். கொம்பிலே உள்ளது காளையின் தெம்பு என்றறிந்த வீரர்கள் காளையின் கொம்பைப் பிடித்து அதன் கொட்டத்தை அடக்குவர். வாலைப் பிடித்தல் தாழ்வு என்பது தமிழர் கொள்கை. பல்லோர் சூழ்ந்து நிற்க கிணற்றுக்குள் துடுமெனப் பாய்ந்து குதித்து மணல் எடுத்து
வருதல் ஒருவகை வீர விளையாட்டாகக் கருதப்பட்டது.

பண்டைய நாளில் பெண்கள் வட்டாடுதல், அம்மானை, பந்தாடுதல், ஊஞ்சல், ஓரையாடுதல் எனப் பல விளையாட்டுகளில் இனிதே பொழுது போக்கினார்கள். கட்டம் வரைந்து நெல்லிக்காய்களை வைத்து நகர்த்தி ஆடும் ஆட்டம் வட்டாடுதலாகும். நண்டு, ஆமை ஆகியவற்றைக் கோல்கொண்டு அலைத்து ஓரையாட்டம் ஆடி மகிழ்ந்தனர். சிறுவர், சிறுதேர் உருட்டி விளையாடி மகிழ்ந்தனர். சிறுமியர் முத்துகளைக் கிளிஞ்சல்களின் உள்ளே இட்டு ஆட்டிக் களிப்புற்றனர். அரசர் வாழும் தலைநகரங்களில் யானைப்போர் நடைபெறுவதற்கும், அதனைக் காண்பதற்கும் தனியிடங்கள் இருந்தன. மதுரையில் திருமலை நாயக்கர் கட்டிய மண்டபம் ஆகும். இது யானைப்போர் காண்பதற்கான திடலாகும்.

காலம் செல்லச்செல்ல அதற்கேற்ப விளையாட்டுகளின் தன்மையும் போக்கும் மாறியுள்ளன. பண்டைய ஏறுதழுவுதல் விளையாட்டு இன்று சல்லிக்கட்டாகவும், மஞ்சுவிரட்டாகவும் அறியப்படுகின்றன. அன்று ஏறுதழுவியவரையே மகளிர் விரும்பி மணந்தனர். இன்று அவ்விளையாட்டானது பணமுடிப்பு, பரிசுப்பொருள்கள் பெறுதல், பலர் சேர்ந்து மாடு விரட்டல் என மாறிவிட்டது. தமிழரின் தற்காப்புக் கலை விளையாட்டுகளில் ஒன்றாகச் சிலம்பாட்டம் வளர்ந்து வருகிறது. நிலத்திலிருந்து ஓர் ஆளின் உயரம் வரை இருக்கும் தடியைச் சுழற்றி ஆடும் ஆட்டமே சிலம்பாட்டமாகும்.

உலக அரங்கில் தமிழரின் வீர விளையாட்டான கபடிக்கு தனியிடம் கிடைத்துள்ளது. கபடி விளையாடும்போது பாடிக் கொண்டேவிளையாடிவது நம் மூதாதையர் வழக்கம். ஆனால், கபடிப் போட்டியில் பாடும் மரபு மறைந்து விட்டது. ஊர்த்திருவிழாக்காலங்களில் வழுக்குமரம் ஏறுதல், உறியடித்தல், மஞ்சள் நீர் ஊற்றுதல் ஆகிய விளையாட்டுகளை இன்றைக்கும் சிற்றூர்களில் காணலாம்.

தட்டாங்கல் விளையாட்டு

தோற்றம் மற்றும் வளர்ச்சி :

தட்டாங்கல்லின் தோற்றம் பற்றிக் கூறும்போது இலக்கியத்தில் சுட்டிக்காட்டப்படும் “கழங்காடுதல்” என்ற விளையாட்டு இன்றைய அம்மானையைக் குறிக்கும் இன்றைய அம்மானை என்பது தட்டாங்கல் விளையாட்டைக் குறிப்பதாகும். தட்டாங்கல் தான் நாளடைவில் மெருகடைந்து அம்மானையாக மாறியிருக்கலாம் என்று எடுத்துக்கொள்ளலாம். மேலும் இளம் பெண்கள் கழங்கு விளையாடுவதாகவும், அப்போது ஓன்று முதல் ஏழு வரையில் எண்ணிக்கை வரும்படியான படால்களை பாடுவதாகவும் புலவர்கள் உலா என்னும் பிரபந்தத்தில் அமைத்திருக்கிறார்கள். 

பெயர்க்காரணம் :

இந்த விளையாட்டிற்கு கழற்சிக்காய் (Mollucca Beans) விளையாட்டு என்ற பெயரும் உண்டு என்னென்றால் கழ்ற்சிக்காய்களை கொண்டு ஆடப்பெறுவதால் இப்பெயர் வந்திருக்கலாம். தட்டாங்கல் என்ற பெயர் கற்களை மேலே தூக்கிப்போட்டு அவை கீழே விழுவதற்குள்ளே தரையினை தட்டிபிடிக்கும் முறை பின்பற்ற படுவதால் தட்டாங்கல் என அழைக்கப்பட்டு இருக்கலாம். தற்போதைய தட்டாங்கல் விளையாட்டு மேலே கல்லைப்போட்டு விழுவதற்குள் கீழே உள்ள கற்களை எடுக்க வேண்டும் என்பதாக அமையப்பட்டுள்ளது 

விதிமுறைகள் :

கற்களை கீழே வைத்து ஒரு கல்லை மேலே எறிந்து, அது கீழே விழுவதற்குள் கீழே இருக்கின்ற கல்லை ஓன்று, இரண்டு, மூன்று என்ற முறைப்படி எடுக்க வேண்டும் இவ்வாறு பன்னிருமுறை தொடர்ந்து விளையாடினால் பழம் பெற்றவராவார். மீண்டும் முதலிலிருந்தே தொடரவேண்டும் மேலே எறிந்த கல் தவறிவிட்டால், மற்றொருவர் ஆட்டத்தை தொடரலாம். இவ்விளையாட்டில் கற்களுக்கேற்ப ஆட்டமும் விதிமுறைகளும் மாறும் என்பது குறிப்பிடத்தக்கது.

வகைகள் :

தட்டாங்கல் விளையாட்டை அறிஞர்கள் மூன்றாங்கல், ஐந்தாங்கல், பத்தான்கல், பலகல் என்று வகைபடுத்தியுள்ளனர். ஆனால் தேவநேய பாவணர் எழாங்கல், பன்னிருகல், பதினாறாங்கல் என்று மேலும் மூன்று வகைகளை கூறியுள்ளார்.

பயன்கள் :

தட்டாங்கல் விளையாட்டின் மூலமாக பிடிக்கும் திறன் மேம்படுகிறது. கையும் , கைநரம்புகளும் வலுப்பெறுகிறது. விரல் நரம்புகள் செயல்படுவதால் இரத்த ஓட்டம் அதிகரிக்கும். தன்னம்பிக்கை இவ்விளையாட்டின் வாயிலாக வளரும் பயனாகும்.

பரமபதம்

தோற்றம் மற்றும் வளர்ச்சி

பரமபதம் சமயத் தொடர்பான விளையாட்டு என்பதால் தோற்றம் பற்றி விரிவாக்க இயலாது. இருப்பினும் இவ்விளையாட்டின் மூலம் இறை வழிபாடு வலுவடைகிறது.

பெயர்க்காரணம்

பரமன் என்றால் திருமால் என்று பொருள், பரமபதம் என்றால் திருமாலின் பாதம் என்ற பொருளும் உண்டு. இதன் அடிப்படையிலேயே பரமபதம் என்ற பெயர் வந்திருக்க வேண்டும். அதை அடைவதே வாழ்வின் குறிக்கோள்.

விதிமுறை

நூற்றுக்கும் மேற்பட்ட கட்டங்களுடைய வரைப்படத்தின் மீது விளையாடப்படுகிறது.விளையாட்டைத் தொடங்கமுதலில் தாயம் போட வேண்டும். பிறகு வரைப்படக் கட்டங்களில் கீழிலிருந்து மேல் நோக்கி காய்களை நகர்த்த வேண்டும். இடைபட்ட கட்டங்களில் ஏணிகளும், பாம்புகளும் வரையப்பட்டிருக்கும். ஏணியில் ஏரினால் புண்ணியம் செய்ததாகவும், பாம்பின் வாய் வழியாக கீழே இறங்கினால் பாவம் செய்ததாகவும் கருதப்படுகிறது இறுதியில் கடைசி கட்டத்தைச் சென்றடைந்தால் வைகுண்டத்தசென்றடைந்ததாகந நம்பப்படுகடுகிறது . இவ்விளைய்யயாட்டு பெரும்பாலும் மார்கழி மாத்தில் வைகுண்ட ஏகாதசி நாளில் விளையாடப்படுகிறது. ஒவ்வெரு கட்டத்திலும் கடவுள்கள், கடவுளால் படைக்கப்பட்ட தேவர்கள், அசுரர்கள், மனிதர்கள், பறப்பன, ஊர்வன, போன்ற அனைத்து ஜிவராசிகள் ஆகியவை ஒவ்வொரு கட்டமும் ஒரு த்த்துவ ஆன்மீக கருத்தை கொண்டிருக்கிறது. ஆனால் தற்போது இவ்விளையாட்டின் வரைபடங்கள் நவீன காலத்திற்கேற்ப மாற்றமடைந்துள்ளது.

வகைகள்

தசாபதம், அஷ்டாபதம் போன்றவை பரமபதம் வகையைச் சார்ந்தது எனலாம்.

பயன்கள்

இறையியல் த்த்துவங்களை இவ்விளையாட்டு எடுத்துரைக்கிறது.திறனை வளர்க்கிறது. மனிதன் பாவம், புண்ணியம், தர்மம் நேர்மை, நீதி, அன்பு, உண்மை போன்ற நெறிகளை பின்பற்றி வாழ்வதற்கு உதவுகிறது.

பல்லாங்குழி விளையாட்டு

தோற்றம் மற்றும் வளர்ச்சி:

பல்லாங்குழியின் தோற்றம் பற்றி தெளிவான கருத்து எதையும் விளக்க முடியவில்லை.ஏனென்றால் ஆப்பிரிக்காவில் சூடான்,கென்யா, உகான்டா, தான்சானியா,ரொடிசியா,தென்ஆப்பிரிக்கா போன்ற நாடுகளில் இவ்விளையாட்டு விளையாடப்படுகிறது. எகிப்து பிரமிடுகளிலும் பல்லாங்குழி செதுக்கப்பட்டுள்ளது தமிழகத்தில் 'அடியார்க்கு நல்லார் உரையில் மட்டும் இதைப் பற்றிய குறிப்பு காணப்படுகிறது.' இவ்விளையாட்டு பண்டைய காலத்திலிருந்து விளையாடப்பட்டு வருகிறது என்பது குறிப்பிடத்தக்கது.

தொடக்க காலத்தில் கிராமத்தில் மண்தரையில் குழிகளைத் தோண்டி விளையாடப்பட்டது. நாளடைவில் வளர்ச்சிப் பெற்று மரப்பலகையில் குழிகளை அமைத்து விளையாடப்பட்டு வருகிறது. பல்லாங்குழி விளையாட்டின் தோற்றத்தயும்,வளர்ச்சியையும் ஆராயம் போது பெண்களுக்கான விளையாட்டின் இயல்புகள் அதிகளவில் தென்படுகிறன. இலங்கையில் கி.மு.இரண்டாம் நூற்றாண்டைச் சேர்ந்த 18-குழிப்பலகை அமைப்பு 'பல்லபெட்டா' என்னும் இடத்தில் உள்ள விகாரக் குகையில் காணப்படுவதால், பல்லாங்குழி ஆட்டம் இங்கே வழக்கத்தில் இருந்திருக்கின்றது என்பதை உறுதி செய்யப்படுகிறது.

பெயர்க்காரணம் :

பல்லாங்குழியென்பது பண்ணாங்குழி, பன்னாங்குழி, பள்ளாங்குழி, பதினாங்குழி, பரலாடும் குழி, பாண்டி எனப் பல்வேறு பெயர்களால் வழங்கப்படுகின்றது. பல அழகிய குழிகளை வைத்துக் கொண்டு இந்த ஆட்டம் ஆட பெறுவதால் (பல+ஆம்+குழி=பல்லாங்குழி) என்று அழைக்கப்பட்டிருக்கலாம். கிராமத்தில் நெல்க்குத்துவதற்காக தோண்டப்படுகின்ற சிறுபள்ளத்தை பண்ணை என்று கூறுவதுண்டு. அதைப் போலவே சின்ன பள்ளம் தோண்டி கற்களையிட்டு ஆடுவதால் 'பண்ணாங்குழி' எனப்படுகின்றது.பள்ளம்+குழி எனப்பிரித்தால் பூமியில் பள்ளம் தோண்டி குழியாக்கி கற்களை இட்டு விளையாடப்படுவதால் 'பள்ளாங்குழி' என வழங்கப்பட்டிருக்கலாம். பதினான்கு குழிகள் இருப்பதால் பதினாங்குழி எனப் பட்டிருக்கலாம். மேலும் 'முத்து' என்பதற்கு 'பரல்' என்றும் பொருள் உன்டென்பதால் பரலாடும் குழி என்று மாறியிருக்க்கலாம். இவ்விளையாட்டிற்கு பாண்டியாட்டம் என்ற பெயரும் உண்டு.

விதிமுறை :

14-குழிகளில் கற்களையோ அல்லது புளியமுத்தையோ குறிப்பிட்ட எண்ணிக்கையில் வைத்து தங்களின் குழியிலிருந்து காய்களை எடுத்து வலமிருந்து இடதுபுறமாக அனைத்து குழிகளிலும் காய்களை போட்டு வரவேண்டும் கய்கள் தீர்ந்த பின்பு அடுத்த குழியிலிருந்து காய்களை எடுத்து போடவேண்டும் எவ்வாறு போட்டு வரும் போது காய் தீர்ந்து விடும்போது பக்கத்து குழியில் காய் ஏதும் இல்லாமல் இருந்தால் அதற்கு அடுத்த குழியில் உள்ள கைகள் அனைத்தையும் எடுத்துக்கொள்ளலாம் பின்னர் அதே போல எதிரே இருப்பவர் விளையாடுவார் இவ்விளையாட்டில் முடிவு தெரிய அதிக நேரம் எடுக்கும். ஆட்டத்தை தொடர முடியாவிட்டால் வெற்றி, தோல்வியை முடிவு செய்ய எவரிடம் காய்கள் அதிகமாக இருக்குமோ அவரே வெற்றி பெற்றவர் ஆவார்.

வகைகள் :

பல்லாங்குழி விளையாட்டில் பல வகைகள் இருக்கின்றன 1. பசுப்பாண்டி , 2. சரிப்பாண்டி 3. எதிர்ப்பாண்டி 4. இராஜாப்பாண்டி, 5. காசிப்பாண்டி, 6. கட்டுப்பாண்டி, 7. சீதப்பாண்டி என்று தமிழறிஞர்கள் பிரித்துள்ளனர். மேலும் அரிப்பாண்டி, முத்துப்பாண்டி, தாயிச்சிப்பாண்டி என்று மூன்று வகைகளை குறிப்பிட்டுள்ளனர். 

பயன்கள் :

பல்லாங்குழி விளையாடுவதால் எண்ணிக்கை திறன் அதிகரிக்கிறது. குழிகளில் கற்களை எடுத்து விளையாடும் போது விரல்களுக்கு பயிற்சி கிடைக்கும். இதனால் இரத்த ஓட்டம் அதிகரிக்கிறது. மேலும் நுண்ணிய கணிதத்திறன் அதிகரிக்கிறது. அறிவுத்திறனும், வாய்ப்புநிலை இயல்பும் இவ்விளையாட்டில் காணப்படுகிறது.

தாயம் விளையாட்டு

தோற்றம் மற்றும் வளர்ச்சி :

தாய விளையாட்டு பெண்கள் விளையடும் அக விளையாட்டுகளில் முக்கியமானது ஆகும். தாய விளையாட்டின் தோற்றம் போரில் படை வீரர்களை நகர்த்தி செல்வது போன்ற செயல்களை வெளிப்படுத,துவதாக அமைகிறது. கட்ட விளையாட்டின் பண்புகள், அதிகளவில் தாய விளையாட்டில் காணப்படுகிறது. ஆனால் ஆண்கள் விளையாடும் தாயகட்ட விளையாட்டு அறிவுத்திறனை மையமாகக் கொண்டது. பெண்கள் விளையாடும் தாயகட்ட விளையாட்டு வாய்ப்பு நிலையை மையமாக்க் கொண்டது. இவ்விரு விளையாட்டுகளும் போர் முறைகளை விளக்குவதாக அமைந்துள்ளன.கட்ட விளையாட்டிலிருந்து தாய விளையாட்டு வேறுபட்டிருந்தாலும், கட்ட விளையாட்டின் வளர்ச்சி தாய விளையாட்டின் தோற்றத்திற்கு உதவியாக இருந்திருக்ககூடும். தாய விளையாட்டிலிருந்து பகடை, தசாபதம், அஷ்டாபதம், சதுரங்கம், (செஸ்) தோன்றி இருப்பதற்கான வாய்ப்புகள் தென்படுகின்றன. குறைந்தது இரண்டு பேர்கள் விளையாடும் விளையாட்டு இது.

பெயர்க்காரணம் :

' தாயம் ' என்ற சொல்லுக்கு 'உரிமை' என்று பொருள் உண்டு. உறவுகாரர்களை தாயத்தார் என்று கூறுவது இதற்குச் சான்றாகும்்இதைப் பற்றிய குறிப்புகள்

தொல்காப்பியத்தில் காணப்படுகின்றன. மேலும் விளையாட்டில் கலந்து கொள்பவர்கள் பந்தயம் கட்டுவார்கள். அப்பந்தயம் பொருள் தங்களை வந்தடைய வேண்டுமென்று உரிமை கருதி ஈடுபடுவதால் 'தாயம்' என்ற பெயர் வந்திருக்கலாம்.சோழிகளை குலுக்கி போடுகையில் 'ஒன்று' விழுந்தால் 'தாயம்' என்று கூறுகின்றனர். ஆனால் மற்ற எண்களை இரண்டு, மூன்று என்றறே கூறுவது குறிப்பிடதக்கதாகும்.நடைமுறையில் நாம் ஒரு செயலைக் காணலாம். ஒரு தொழிலைத் தொடங்கும் போது 'இலாபம்' என்று கூறுகின்றனர் அவற்றை போலவே தாயம் என்ற சொல்லும் தானே வெற்றி பெற வேண்டும்.என்ற ஒரு சொல்லாகவும் நாம் இதைக்கருதலாம்.

விதிமுறைகள் :

சோழியில் முதலில் 'தாயம்' போட்டால்தான் காய்களை கட்டத்தில் வைத்து தொடங்க முடியும்.சோழிகளில் விழும் எண்களுக்குத் தகுந்தவாறு வலப்புரமாக காயினை நகர்த்தி வரலாம். எதிரியின் காய்களை குறியீடு இல்லாத கட்டங்களில் சுற்றும்போது வெட்டிவிடவேண்டும்.ஒருவர் காயிருக்கும் கட்டத்தில் இன்னொருவரின் காயினை வைக்க நேர்ந்தால் அதற்கு வெட்டுதல் என்று பெயர்.வெட்டினால்தான் காய் உள்கட்டத்திற்குள் செல்லவியலும். குறியிடப்பட்ட கட்டம் எவருக்கும் சொந்தமில்லை. யாருடைய காய் வேண்டுமனாலும் குறியீட்டுக் கட்டத்தில் தங்கலாம். நான்கு அல்லது ஆறு காய்களை யார் முதலில் பழமாக்குகின்றாரோ அவர் வெற்றி பெற்றவராவார்.மேலும் இந்த விதிமுறைகள் ஒவ்வொரு வகை தாய வரைபடத்திற்கேற்ப மாறுபடும்.

நான்கு சோழிகள் எண்ணிக்கை விதிமுறை எண்ணிக்கை

1. நான்கு சோழியும் கவிழ்ந்திருந்தால் 8

2. மூன்று கவிழ்ந்து ஒன்று திரும்பியிருந்தால் 1

3. இரண்டு கவிழ்ந்தும் இரண்டு திரும்பியிந்தால்2

4. ஒன்று கவிழ்ந்திம் மூன்று திரும்பியிருந்தால் 3

5. நான்கு சோழியும் திரும்பியிருந்தால் 4

இவற்றில் 8,1,4 விழுந்தால் மீண்டும் ஆட வாய்ப்புண்டு இவ்விதிமுறை மாவட்டத்திற்கு மாவட்டம் மாறுபடும்.

வகைகள் :

தமிழக கிராம்ப்புரங்களில் தாய விளையாட்டில் பல வகைகள் காணப்படுகின்றன. அவற்றுள் ஐந்து வகைகள் குறிப்பிடத்தக்கவை. நான்கு கட்ட தாயம், தஞ்சாவூர்க் கட்டம், குரங்காட்டம் போன்றாவையாகும்.

பயன்கள் :

தாய விளையாட்டின் வாயிலாக பல அறிவுத்திறன் சார்ந்த செயல்கள் அதிகரிக்கின்றன. காய்களை நகர்த்துவதற்கு நுண்ணிய அறிவுத்திறன் தேவைப்படுகிறது. எதிரியின் காய்களை வெட்டுவதற்கு அதிகமான சிந்தனைத்திறன் தேவைப்படுகிறது. கணித அறிவு வளர்வதற்கும் தாய விளையாட்டு உறுதுணையாக அமைகிறது. தாய விளையாட்டில் அறிவுத் திறன் மட்டுமின்றி வாய்ப்புநிலை இயல்பும் உள்ளடங்கியது என்று குறிப்பிடத்தக்கது.

அக விளையாட்டுகள் பற்றிய விளக்கம்

அக விளையாட்டுகளைப் பற்றிய பல வரலாற்றுச் சான்றுகள் சங்க கால இலக்கியத்தில் காணமுடிகிறது. வீட்டுக்குள்ளோ அல்லது மறைவான இடங்களிலோ விளையாடும் விளையாட்டுகளை அக விளையாட்டுகள் எனக் குறிப்பிடுகிறோம். 'அகம்' என்பதற்கு 'மனம்'(உள்ளம்) என்ற பொருளும் உண்டு. 'அக' என்பதற்கு'மனை' (இல்லம்,வீடு) என்ற பொருள்களும் உண்டு.அக விளையாட்டுகளில் பெரும்பாலும் பெண்களும் மற்றும் குழைந்தைகளும் ஈடுபடுவார்கள். இந்த விளையாட்டுகள் அறிவுத்திறன், வாய்ப்பு நிலை போன்ற இயல்புகளை உள்ளடக்கையதாக அமைந்துள்ளது.

சடுகுடு (கபடி)

சடுகுடு (கபடி)

பம்பரம் விளையாட்டு

பம்பரம் விளையாட்டு

பச்சைக் குதிரை

பச்சைக் குதிரை

ஒரு குடம் தண்ணீர் ஊற்றி

ஒரு குடம் தண்ணீர் ஊற்றி

சிறுவீடு கட்டுதல் / சிட்டிபானை

சிலம்பாட்டம்

தடுப்பாட்ட முறை

கண்கட்டி

கண்கட்டி

சிலம்பாட்டம்

வணக்க முறை

இளவட்டக்கல்

இளவட்டக்கல்

குலைகுலையா முந்திரிக்காய்

குலைகுலையா முந்திரிக்காய்

கண்கட்டி விளையாட்டு

கண்கட்டி விளையாட்டு

பூசணிக்காய் விளையாட்டு சிறுமியர் விளையாட்டு

ஆட்டக்காரர்களில் ஒருவர் அரசன்; மற்றொருவர் அரசனின் சேவகன். மற்றவர்கள் படர்ந்திருக்கும் பூசணிக்கொடி. அரசன் பூசணிக்காய் வாங்கிவரச் சொல்வான். சேவகன் கொடியில் காய்த்திருக்கும் பூசணிக்காயைப் பறிப்பான். இதுதான் விளையாட்டு. பூசணி வேராக இருக்கும் சிறுமி தன் இரு கால்களையும் பரப்பிக்கொண்டு தன் கைகளை வலிமையாகத் தரையில் ஊன்றிகொண்டு அமர்ந்திருப்பாள். அந்த அணியிலுள்ள மற்றவர்கள் அவளது இடுப்பைப் பலமாகப் பிடித்துக்கொண்டு ஒருவர் பின் ஒருவராக அமர்ந்திருப்பர்.

இந்தத் தொடர் பூசணிக்கொடி. தொடரின் பின்புறம் கடைசியில் உள்ளவர் பூசணிக்காய். சேவகன் அந்தப் பூசணிக்காய்ச் சிறுமியின் இடுப்பைப் பிடித்து இழுப்பான். தொடர் அறுபட்டால் பூசணிக்காய் பறிக்கப்பட்டதாக எடுத்துக்கொள்ளப்படும். பின் வேறொருவர் அரசன், சேவகன் என வைக்கப்பட்டு அடுத்த ஆட்டம் தொடரும்.

பச்சைக்குதிரை

இரட்டை மாட்டுவண்டி பந்தயம்

ஒரு முக்கிய அறிவிப்பு

ஒரு முக்கிய அறிவிப்பு

வரலாற்றையும் நாட்டுப்புறவிலையும் இணைக்கும் கோட்பாடுகள்

கிராமிய பண்பாடுகளை வரலாற்று வரையறைக்கு கொண்டு வரும் கோட்பாடுகள் ஆய்வுகளுக்கு மிகவும் முக்கியமானது எனலாம் .கிராமிய வழக்காறுகளையும், வரலாற்று முறையும் இணைக்கும் காரணிகளாக இக்கோட்பாடுகளை கூறலாம் .நாட்டுப்புறவியலும் வரலாறு தான் என்பதை இக்கோட்பாடுகளின் வாயிலாக அறிய முடிகிறது .மறைந்து வரும் பண்பாட்டை வரலாற்று மீட்டுருவாக்கக் கோட்பாட்டு மூலமும் , பல பண்பாடுகளை ஒன்றுடன்  ஒன்று  ஒப்பிடும் முறை பண்பாட்டிடை ஒப்பீட்டுக்  கோபாட்டின் வாயிலாகவும், பண்பாடுகளை எடுத்துரைப்பது நாட்டார் பண்பாட்டுக்  கோட்பாட்டு வழியாகவும் விளக்கமளிப்பது சிறப்பான முறையாக கருதப்படுகிறது


                                                                                                 - முனைவர் முகம்மது கதாபி 

தமிழக நாட்டுப்புற விளையாட்டு கருவிகள்

சோழிகள் 

சோழிகள் 

ஒரு பக்கம் தேய்க்கப்பட்ட புளிய முத்துகள் 

புளிய முத்துகள் 

சீதாப்பழ விதைகள் 

உலோகத்தாலான தாயக்கட்டை 

மீன் வடிவிலான பல்லாங்குழி 

பம்பரங்களும், சட்டைகளும் 

கோலி குண்டுகள்